https://www.facebook.com/papaya.kitchen/
一直都想出呢個食譜，原來一直都未出 ? 因為我成日煲，就以為自己已經post左 ? 講返呢個湯底，絕對飲完唔口渴嘅自家湯底來嘅 ? 飲完一碗又一碗！我買左兩個雞胸連雞殼，起左啲雞肉攪碎就用來炒泰式肉碎生菜包，兩食！雞殼蝦殼就用來滾湯，真係好得架 ❤
仲有，我唔鐘意一路飲湯一路吐返啲渣出來，所以我滾湯時已落齊香料，煲好就隔渣，成煲湯啖啖肉咁食，滋味好多架 ?
??材料我怕短片去得太快，我呢度再講多次 ?
材料：雞殼2個，南薑4片，檸檬葉3片，香茅1支，辣椒2隻，草菇5粒，番茄2個，芫茜2棵，
調味：冬蔭功醬料2湯匙，魚露2茶匙，椰糖或砂糖2茶匙，青檸3個(搾汁約2湯匙)，花奶(淡奶)約80毫升
**花奶亦可以轉用椰奶，分量一樣，但我個人就鐘意用花奶，因為覺得椰奶好“漏”，花奶口感會香滑啲
**番茄我用左有機黃色番茄，所以係黃色唔係紅色 ? (絕對唔係視力測試！)
**要因應返自己嘅味道來調味，一邊煮一邊試味，不過唔好唔覺意飲哂喎
